हरिः ओम्

Sloka Text in Telugu , Kannada, Gujarati, Devanagari, English

સુન્દરકાણ્ડ્.
અથ અષ્ટાદશસ્સર્ગઃ

શ્લો||તથા વિપ્રેક્ષમાનસ્ય વનં પુષ્પિત પાદપં|
વિચિન્વતશ્ચ વૈદેહીં કિંચિત્ શેષા નિશાઽભવત્||1||

ષડઙ્ગવેદવિદુષાં ક્રતુપ્રવરયાજિનાં|
શુશ્રાવ બ્રહ્મઘોષાંશ્ચ વિરાત્રે બ્રહ્મરક્ષસામ્||2||
અથમઙ્ગળવાદિત્રૈઃ શબ્દૈઃ શ્રોત્રમનોહરૈઃ|
પ્રાબુધ્યત મહાબાહુઃ દશગ્રીવો મહાબલઃ||3||

વિબુધ્યતુ યથાકાલં રાક્ષસેન્દ્રઃ પ્રતાપવાન્|
સ્રસ્તમાલ્યામ્બરધરો વૈદેહીમ્ અન્વચિન્તયત્||4||
ભૃશં નિયુક્તસ્તસ્યાં ચ મદનેન મદોત્કટાઃ|
ન સ તં રાક્ષસં કામં શશાકાત્મનિ ગૂહિતમ્||5||

સ સર્વાભરણૈર્યુક્તો બિભ્રત્ શ્રિયમનુત્તમાં|
તાં નગૈર્બહુભિ ર્જુષ્ટાં સર્વપુષ્પફલોપગૈઃ||6||
વૃતાં પુષ્કરિણીભિશ્ચનાનાપુષ્પોપશોભિતામ્|
સદામદૈશ્ચ વિહગૈઃ વિચિત્રાં પરમાદ્ભુતમ્||7||

ઈહામૃગૈશ્ચ વિવિધૈર્જુષ્ટાં દૃષ્ટિમનોહરૈઃ|
વીથીઃ સંપ્રેક્ષમાણશ્ચ મણિકાઞ્ચનતોરણાઃ||8||
નાનામૃગ ગણાકીર્ણમ્ ફલૈઃ પ્રપતિતૈર્વૃતામ્|
અશોકવનિકામેવ પ્રાવિશત્ સંતતદ્રુમામ્||9||

અઙ્ગનાશતમાત્રંતુ તં વ્રજંત મનુવ્રજત્|
મહેન્દ્રમિવ પૌલસ્ત્યં દેવગંધર્વયોષિતઃ||10||
દીપિકાઃ કાઞ્ચનીઃ કાશ્ચિત્ જગૃહુઃ તત્ર યોષિતઃ|
વાલવ્યજનહસ્તાશ્ચ તાલવૃન્તાનિ ચાપરાઃ||11||
કાઞ્ચનૈરપિ ભૃંગારૈઃ જહ્રુઃ સલિલમગ્રતઃ||
મણ્ડલાગ્રાન્ બૃસીંચૈવ ગૃહ્યાઽન્યાઃ પૃષ્ઠતો યયુઃ||12||
કાચિત્ રત્નમયીં સ્થાલીં પૂર્ણાં પાનસ્ય ભામિની|
દક્ષિણા દક્ષિણેનૈવ તદા જગ્રાહ પાણિના||13||

રાજહંસ પ્રતીકાશં છત્રં પૂર્ણશશિપ્રભમ્|
સૌવર્ણદણ્ડમપરા ગૃહીત્વા પૃષ્ઠતો યયૌ||14||

નિદ્રામદ પરીતાક્ષ્યો રાવણસ્યોત્તમાઃ સ્ત્રિયઃ|
અનુજગ્મુઃ પતિં વીરં ઘનં વિદ્યુલ્લતાઇવ||15||
વ્યાવિદ્ધહારકેયૂરાઃ સમા મૃદિતવર્ણકાઃ|
સમાગળિત કેશાન્તાઃ સસ્વેદ વદનાસ્તથા||16||

ઘૂર્ણંત્યો મદશેષેણ નિદ્રયા ચ શુભાનનાઃ|
સ્વેદક્લિષ્ટાઙ્ગ કુસુમાઃ સુમાલ્યાકુલમૂર્થજાઃ||17||
પ્રયાન્તં નૈરૃતપતિં નાર્યો મદિરલોચનાઃ|
બહુમાનાચ્ચ કામાચ્ચ પ્રિયા ભાર્યા સ્તમન્વયુઃ||18||

સ ચ કામપરાધીનઃ પતિ સ્તાસાં મહાબલઃ|
સીતાસક્ત મના મમ્દો મદાઞ્ચિતગતિ ર્બભૌ||19||
તતઃ કાઞ્ચીનિનાદં ચ નૂપુરાણાં નિસ્સ્વનમ્|
શુશ્રાવ પરમસ્ત્રીણાં સ કપિર્મારુતાત્મજઃ||20||

તં ચા પ્રતિમકર્માણં અચિન્ત્યબલપૌરુષમ્|
દ્વારદેશમનુપ્રાપ્તં દદર્શ હનુમાન્ કપિઃ||21||
દીપિકાભિરનેકાભિઃ સમન્તાદવભાસિતમ્|
ગન્ધતૈલાવસિક્તાભિઃ ધ્રિયમાણાભિરગ્રતઃ||22||
કામદર્પમદૈર્યુતં જિહ્મતામ્રાયતેક્ષણમ્|
સમક્ષમિવ કંદર્પં અપવિદ્ધશરાસનમ્||23||
મથિતામૃતફેનાભ મરજો વસ્ત્રમુત્તમમ્|
સલીલ મનુકર્ષંતં વિમુક્તં સક્ત મંગદે ||24||

તં પત્રવિટપે લીનઃ પત્ત્રપુષ્પઘનાવૃતઃ|
સમીપમિવ સંક્રાન્તં નિધ્યાતુ મુપચક્રમે||25||
અવેક્ષમાણસ્તુ તતો દદર્શ કપિકુઙ્જરઃ |
રૂપયૌવનસંપન્ના રાવણસ્ય વરસ્ત્રિયઃ||26||

તાભિઃ પરિવૃતો રાજા સુરૂપાભિર્મહાયશાઃ|
તન્મૃગદ્વિજસંઘુષ્ટં પ્રવિષ્ટઃ પ્રમદાવનમ્||27||
ક્ષીબો વિચિત્રાભરણઃ શંઙ્કુકર્ણો મહાબલઃ|
તેન વિશ્રવસઃ પુત્ત્રઃ સદૃષ્ટો રાક્ષસાધિપઃ||28||
વૃતઃ પરમનારીભિઃ તારાભિરિવ ચન્દ્રમાઃ|
તં દદર્શ મહાતેજાઃ તેજોવન્તં મહાકપિઃ||29||

રાવણોઽયં મહાબાહુઃ ઇતિ સંચિત્ય વાનરઃ|
અવપ્લુતો મહાતેજા હનુમાન્ મારુતાત્મજઃ||30||
સ તથા‍પ્યુગ્રતેજાઃ સન્નિર્ધૂતસ્તસ્ય તેજસા|
પત્રગુહ્યાન્તરે સક્તો હાનુમાન્ સંવૃતોઽભવત્||31||

સ તાં અસિતકેશાંતાં સુશ્રોણીં સંહતસ્તનીમ્|
દિદૃક્ષુ રસિતાપાંગાં ઉપાવર્તત રાવણઃ||32||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુ्ન્દરકાણ્ડે અષ્ટાદશસ્સર્ગઃ||

|| ઓમ્ તત્ સત્ ||